У 2023 годзе супрацоўнікамі Цэнтральнай навуковай бібліятэкі НАН Беларусі ў межах працы па разбору асабістага архіва прэзідэнта АН БССР акадэміка К. В. Горава быў выяўлены шэраг арыгінальных дакументаў, якія праліваюць святло на асаблівасці працы Акадэміі навук у эвакуацыі ва Узбекістане.

Пастановайц Бюро Прэзідыума Акадэміі навук БССР ад 27 сакавіка 1968 г. за Фундаментальнай бібліятэкай (цяпер - ЦНБ НАН Беларусі) замацавалася абавязацельства захоўваць матэрыялы, якія адносіліся да гісторыі Акадэміі навук, у тым ліку асабістыя архівы беларускіх вучоных.

Імклівае вызваленне Беларусі летам 1944 г. паставіла перад беларускімі вучонымі пытанне вяртання і разгортвання працы Акадэміі навук на ўласнай зямлі - у Мінску. Аднак працэс звароту на практыцы апынуўся не такім лёгкім. У прыватнасці, Бібліятэка АН БССР і большаячастка абсталявання інстытутаў і лабараторый была разрабавана і вывезена акупантамі.